Home | Contact | Plan du site

Plan d'accès | Infos pratiques | Agenda

Liturgie | Patrimoine | Restauration | Fouilles | Partenaires | Photographies | Ouvrages | Témoignages | musiCA


 

Le cabaret wallon

Que représente la cathédrale de Tournai?

L’cathédrale Noter-Dame, et l'bieffreo avec, seont les deux molumints qui forment eulle silhouette d’Tournai. Les cheoncq clothiers seont inscrits dins l’cœur de tous les Tournaisiens. Pos d’Tournai sans ses cheoncq clothiers !

Quel est votre coup de coeur (endroit ou oeuvre d'art) ? Et pourquoi?

Mi, i-a deux cosses que j’aime bin rapport à l’cathédrale :

Ch’est les grands offices quand ç’que l’évêque et les chanoines i s’ornipent avé des bieaux ornemints liturgiques inciens et que l’Maîtrisse elle cante de l’musique sacrée incienne ou contemporaine, et pos les canchonnettes, pos toudis d’très beon goût d’ailleurs, qu’on intind habituell’mint. J’aimeos particulièr’mint les offices dùsque l’chanoine Dumoulin, i-éteot maîte de cérémonie : ch’éteot solennel et digne. I-aveot posd’blabla inutile. Et tout cha dins ein tel décor architectural ! Eul bieau pour li-même. Et est-ce que l’bieau i n’rapproche pos du Créateur ?

I-a aussi l’Grante Processieon, inévitablemint liée à l’cathédrale, eine fiête issue du Moyen-Ache dùsqu’on sort les pus bieaux trésors de l’cathédrale et d’nos églisses, eine fiête profonte  à laquelle les Tournaisiens, les vrais – peu importe leus n’opinieons philosophiques ou politiques – i seont tertous attachés.

I-a tout l’même deux objets d’art que j’voudreos citer :

Marie-Pontoisse qui seonne avé s’timbre quéaud et qu’on intind ’squ’à Allain ou à Ere

L’chapiteau sculpté dùsqu’on veot Frédégonte avalée toute crute par eine baleine, scène qui deot nous faire busier su l’vanité des grands de ç’meonte et su no preope vanité. Même que les heommes d’églisse i pourreot’tent alfeos in printe de l’graine !

Si vous deviez qualifier la cathédrale de Tournai en trois mots, quels seraient-ils?

Cheoncq clothiers, saint Eleuthère, Maîtrisse
Et ein quatrième : l’Processieon

P. VANDEN BROECKE
Informations : www.cabaretwallon.be